Vrydag humor . . .

Dankie tog vir emailjokes.co.za waarsonder ek meeste dae met ‘n bek vol tande sou gesit het.

Hulle sê blogging is so maklik, enige aap kan dit doen. Wel . . .

En vir almal wat al gevoel het om hulle duur Microsoft produkte by die deur uit te gooi . . .

Maak of julle mal is en doen alles die naweek. Kom ons hoop die bokke doen beter Sondag. Ek gaan my bes probeer om uit vroulief se pad te bly. Just stayin alive baby, just staying alive!

Ciao
Jaco

. . . eina . . .

 

Ek huil my oë uit . . .

Krista

. . . die hel is los . . .

Die hel is behoorlik los! Wat de fnok gaan in ons land aan? Hoeveel meer moet ons hanteer voor ons voet neersit en sê: “NEE! Nie meer nie, nie hier nie, nie ek nie!”

Beeld se berigte vandag:

1. In Centurion: pa en seun van klere en fietse beroof met ‘n AK47 en ‘n mes. Nie beseer nie.

2. In Hartbeespoort: man en 2 vrouens in gewapende roof 01:30 in die oggend. Wapens: pistool, mes, skroewedraaier en lepel. Vrou geskiet, in Montana hospitaal. Man aangerand.

3. In Elarduspark: gewapende roof 19:30 ma, pa en seun. Ma storm op rower af met mes. Almal aangerand.

4. In Bryanston: fliekvervaardiger en vrou gewapende roof 19:50, man geskiet en nou in hospitaal.

Die is net die gevalle waarvan ons weet omdat dit gerapporteer is. Daar is nog honderde gevalle waarvan die koerant nie weet nie. En dit alles van Maandag af.

Wel, ek sê nou vir julle: oor my dooie liggaam! Ek sal nie daarvoor staan nie!

Ek is paraat en bespied eers die omgewing voor ek die hek oopmaak om te ry. Nie een van ons ry sommer sonder dat iemand anders by die hek staan/saamry nie. Ons het veiligheidshekke voor ELKE deur en diefwering voor die oopmaak-vensters. Ons honde slaap in die huis met vrye toegang tot die erf, ons staan op as die honde blaf en as ons vreemde geluide hoor. Ons sal ‘n alarmstelsel kry. Ek dra vir STAALBurger saam met my en ek het ‘n piksteel in die bakkie.

I will not go down willingly! Ek sal dit vir enigiemand wat my lewe wil infiltreer en vervuil, dit so moeilik as moontlik maak. En as ek in die proses expire, then I died fighting, en hopelik het ek in die proses iemand beskerm/gered en ‘n paar misdadigers saam met my geneem . . . I will not go alone!

Krista

PS: miskien voel ons more beter . . . roflmao!

Ons word vir ‘n ride gevat . . .

Suid Afrikaners is sportmal. Dit is ‘n feit. Sport is groot besigheid. Dit is ‘n feit. Groot besigheid is besig om Suid Afrikaanse sportondersteuners vir ‘n helse ride te vat, en ons aanvaar dit gedwee. Dit is my beskeie mening, maar dit sal staan as die waarheid tot ek verkeerd bewys kan word.

Sport word grootliks gefinansier vanuit 2 oorde. Eerstens borgskappe en tweedens hekgelde en ander bronne soos kledingstukke ens. Neem nou hierdie scenario. Ek en jy is fanaties oor rugby en krieket, so hier is hoe ons week verloop het.

Donderdag besluit ons om die krieket te gaan kyk. Kaartjies kos gemiddeld R90. En omdat jy nie sonder die regte “kit” kan opdaag nie koop jy maar ‘n ondersteunershemp teen R250. Suid Afrika speel soos palookas en kry op sy moer.

Vrydag gaan kyk jy rugby by Loftus. Kaartjie kos so R70 en die ondersteunerstrui so R400. Die blou bulle se C span speel die swakste wedstryd van seker enige curriebeker span die seisoen, en ja hulle verloor. Maar jy is opgewonde, more is Saterdag, die bokke gaan Tonga vermorsel en boonop speel jou tweede keuse span – die cheeta’s – teen die weepee, nog ‘n sure thing!

Saterdag gaan kyk jy maar die rugby in die naaste pub aangesien jy nie daai duur pakket kon koop om saam met die bokke te toer nie. Die ondersteunerstrui het jou R600 uit die sak gejaag, en die ding wurg al hoe meer namate die wedstryd aankarring. Jy dank jou sterre jy het nie nog ‘n vrystaat trui ook nie, want jy sou sekerlik nie so gesien kon word na daardie disaster nie.

Die bedrae is waarskynlik nie heeltemal korrek nie, maar die punt wat ek wil maak is dat ons astronomiese bedrae spandeer om vermaak te word deur ons sportsterre, en ons kry nie waarde vir geld nie. Ons skop ‘n groot bohaai op vir minder geld as die restaurant se kos nie smaaklik was of die diens nie vinnig was nie. Of as jou motor se diens nie na wense is nie . . . of . . . of . . . of.

Geen afslag word gegee omdat die beste spelers gerus word, by die wêreldbeker is en gerus word, geskors is, uitgelaat is vir politieke redes, beseer is of wat ookal nie. Jy betaal steeds dieselfde bedrae om vermaak te word, en jy gaan telkemale teleurgesteld huis toe. Ek laat my nie langer vir ‘n sucker speel nie. Ek weier om enige ingangsgelde te betaal vir ‘n show wat onderpresteer. Ek kyk dit eerder by die huis waar ek kan oorskakel na ‘n tuinbou-program as die rugby/krieket van die gehalte is wat ons onlangs te siene kry. Ek weier om enige ondersteuners “kit” te koop waar ek indirek iets borg sonder teenprestasies. Ek koop eerder nog ‘n plant vir die tuin of laat my motor was.

SUID AFRIKAANSE SPORTBASE! VAN VANDAG AF HET JULLE EEN MELKKOEI MINDER, JULLE BLIKSEMS!

Jaco

Stereotipes . . .

Nou die dag in ‘n gesprek sê iemand “julle mans is almal dieselfde!” Gelukkig voor ek myself kon opruk besef ek dit was ‘n grappie, maar dit sit my toe nogals aan die dink sien.

Eintlik haat ek dit om gestereotipeer te word, en ja ja ek weet ons almal doen dit, maar dit is so verkeerd! Ek lê nie elke naweek op die bank en bier suip en TV kyk nie. Ek kan oor meer gesels as net rugby, girls en motorkarre. Ek het nie nodig om op my vrou te demonstreer hoe hard ek kan slaan nie. Ek huil nie soos ‘n tundra-wolf voor die gat as mamma dalkies hoofpyn het nie, of erger nog, gaan soek dit op ‘n ander plek nie. So, hoe durf jy insinueer dat alle mans dieselfde is?

Nog ‘n paar algemene stereotipies van die mansgeslag se kant af. Woman drivers! Kom laat ek jou vertel, ek ken ‘n paar dames wat met bestuursvernuf baie mans sal ore aansit. My eie broer weer, sal ek nie mee saamry nie al word ek betaal! Scary, sê ek jou! Nog ene, dom blondes. Ja ek ken ‘n paar wat rerig nie baie slim is nie, maar oorwegend is hulle maar net so slim/dom soos die res van ons. En dan is daar hier en daar so ‘n spesiale geval waar daai blond so skerp soos ‘n skeermeslem is, né BB?

En dit is hoe ons met ons eie mense omgaan! Kyk nou interkultuur en interras. Jou venster is een keer stukkend geslaan by ‘n verkeerslig deur ‘n swartman, dus is alle swartmense skelm. Mense met swart velkleur is minderwaardig aan wit mense, dus word hulle teen hongerlone gehuur om die vuil/harde werk te doen wat wit mense nie wil doen nie. Dink nou maar aan huisbediendes ens. Van die ander kant af. Enige witman met ‘n khaki hemp en ‘n bakkie is ‘n rassis. Enige Moslem is ‘n klipgooier en bomplanter. So kan ek aangaan . . .

En nee, ek keur nie uitbuiting of rassisme goed nie. Ek is nie ten gunste van interras ondertrouery nie, en ek is nie ‘n bleeding heart liberal nie. Maar dink hieroor. Sal die wêreld nie ‘n beter plek wees as ons as mense ophou om mekaar in boksies te plaas op grond van ras of geslag en eerder mense te evalueer op grond van individuele meriete nie?

Think about it. I’ll be back!

Jaco

. . . king of the castle? . . .

As jy so na die kasteel kyk, waar sou jy jouself in die prentjie indink?

Sou jy die groente-gees wees wat help met die kos en verantwoordelik is vir die op- en afdek vir elke ete? En die ganse moes voer? En die vloere skrop en die brood bak?

Sou jy die koning/in van die kasteel wees op jou goue troon en hiet en gebied soos jy lekker kry? Wat sy/haar vingers klap en elke wens word volvoer?

Sou jy die entertainment wees met jou klokkieshoed en jou fluit? Wat moet sing en dans vir ander se plesier en so jou etes verdien?

Of die kamermeisie wat moet sorg dat die madam se bed warm is en haar klere gestryk en haar badwater reeds ingedra sodat sy net kan bad?

Of die ganswagter of die diereversorger of die jagter of visvanger of die kinderoppasser of die vroedvrou of die emmer-draer . . . .

Ek dink my altyd in in ‘n toring in die stil deel van die kasteel, ‘n ronde toring met ‘n uitsig wat vêr vooruitloop. En hier sal ek skryf . . . hier sal ek die stilte en die kalm kry . . . Hier waar ek nie betrokke sal wees by die daaglikse nitty-gritties van huishoudings en werk en admin en base en klase nie. Waar ek nie gedruk word deur die naderende einde van die vakansie nie. Waar ek kan skryf oor wat ek in die verte sien, oor wat agter lê en dit wat kom . . .

/me sug met ken in hand . . .

Ek hoop hulle’t krag vir die laptop daar . . .

Krista

. . . langnekke . . .

Ek VREK oor kameelperde. Ek is absolutely mal oor hulle. Hulle het die mooiste lywe en ore en oë en die pragtigste blok-patrone op hulle velle. Maar die mooiste van alles: daai lippe . . . ! Kyk net daai lippe, ma . . . is te cute, sal hulle sommer squeeze virrie pret . . .

. . . ouma se slim kind . . .

So neem ons toe die naweek “Ouma se slim kind” op DVD uit. Ek het nog altyd gedink dit gaan oor ‘n verstandelik gestremde seuntjie en sy ontwikkeling en sal ‘n “feel good-movie” wees.

OMW! Hoe verder die fliek vorder, hoe meer moes ek sluk aan die trane wat opstoot en ek moes toe al geweet het hier kom ‘n ding . . . By die deel waar Kareltjie by die skool geboelie word, het my bloed al gekook. Verligting is gebring deur Lucas Maree se komiese bydrae (ek dink hy’t sy roeping gemis) as die mampoer boer en ek kon so bietjie giggel.

Ek was egter nie voorbereid op wat aan die einde van die fliek gebeur nie. Die feit dat Kareltjie en Poppie (die boeppensvark(ie)) in die huis doodgebrand het nadat Steyn, die boelie (Hykie Berg) die huis aan die brand gesteek het, was my einde! Fan-Jan wou red, maar kon nie by Kareltjie uitkom nie. Ek het snot-en-trane gehuil terwyl Kareltjie na Ouma geroep het en Poppie van angs geskreeu het. Ek was sooooooooooo hartseer, dit was net nie snaaks nie. Jaco moes maar net troos terwyl die trane soos riviere oor my wange gestroom het en ek deur ‘n hele boks tissues getjank het.

Dit was vir my baie erg. Ek kan onregverdigheid en wreedheid teenoor mense/kinders en diere glad nie hanteer nie. Ek kry sommer ‘n gemoedsbekakking net daar en bars ‘n aar! (Ek glo dat akteurs rolle speel wat hy hulle/hulle geaardhede pas). En daarom sal ek tot in lengte van dae nie van Hykie Berg (ook Darius in Egoli) hou nie en hom sommer omry sou ek hom dalk voor my oor die pad sien loop! Ek dink dat jy wel so ‘n wreedheid in jou moet hê om so ‘n rol te vertolk.

EK sal nooit kan nie . . .

Krista

 

. . . eina . . .

So span jy doringdraad om my siel

en ek voel veilig

moet ek binne bly

of bly jy buite?

 

. . . duur memories . . .

Ons loop redelik gereeld deur cd- en boekwinkels in die Kolonade-winkelsentrum. Het julle geweet daar is box-sets van die ou TV-reekse soos McGuyver, A-Team, Airwolf, Magnum PI, ens?

     

En dan is daar nog die Gummibears, die Smurfies, Trompie, Haas Das, Liewe Heksie, Nils Holgerson, ens.

   

My boetie het altyd vasgenael voor die TV gesit as HeMan (Masters of the Universe) op was. Hy was so ingezoom op die TV, die hele wêreld sou om hom kon vergaan en hy sou niks agtergekom het nie. (By the power of Greyskull?)

As daar nou 1 reeks is wat ek vir my (toekomstige) kinders sou wou versamel, sal dit Maya die By wees. Ek het gevrek oor Maya toe ek klein was. Tot ek al skreeuende na my ma toe gehol het omdat Maya my GEBYT het en al wat ek wou doen was net om haar in my hand vas te hou . . . . bwhaaaaaaaaaaaaaaaaaa-haaaaaaaaaaaaaaaa!

So, as jy ooit wil hê jou kinders moet weet van “I love it when a plan comes together” van Hannibal van die A-Team, sal jy maar moet uithaal en wys. Ek wil nog die Indiana Jones reeks aanskaf, dit was cool flieks en presies wat ek dink ‘n 10-jarige moet sien om die verbeelding aan te wakker . . . en om nog pure kind te kan speel in die sand en te explore . . .

♪♫ Memories are made of this . . .♪♫

Krista