Is opvoeding werklik in ons regering se belang?

Die afgelope week of twee het ‘n vlaag van patriotisme jeens ons landjie hier op ons hoekie van die blogosfeer opgelewer. Die emosie het intussen bietjie bedaar en ek kon bietjie verder dink oor die taak wat vir ons voorlê. En ek vermoed ons is in baie diep doo-doo.

Ek kan die storie baie beter praat as wat ek hom kan skryf, so verskoon as ek met tye so effens van die pad afdwaal. Neem ook asseblief kennis dat hierdie stuk geensins gegrond is op enige formele navorsing nie maar slegs my persoonlike opinies en persepsies weergee, met ander woorde in kort “don’t quote me on this”

Eerstens misdaad. Ongeveer 50 moorde per dag vind in Suid Afrika plaas. Daar is die plaasboer, die sakeman in Waterkloof en nog een of twee moored op wittes wat op die Beeld en Burger se hoofblaaie uitbassuin word. Beteken dit moontlik dat die ander 40 – 45 moorde (oftewel 80 – 90%) wat nie gerapporteer word nie is moorde op anderskleuriges? Nie dat 1 moord ooit goedgepraat kan word nie. Wat ek probeer ondersoek is die persepsie. Die persepsie onder blankes bestaan dat ons stelselmatig uitgemoor word, en dat swartmense totaal nonchalant daarteenoor staan. Ek glo dat die werklikheid eerder iets in die lyn is van dat die volle waarheid van wat in ons land aangaan nou eers werklik die deursnit vaalgesiggie bereik. Die weermag en polisie was nog al die jare die buffer tussen die iddiliese lewe in die suburbs en die harde werklikheid in die townships. Die towships waar ‘n lewe niks werd is nie. Ek herhaal weereens dat die moorde glad nie geregverdig kan word nie, maar probeer verstaan dat dit nog altyd daar was, dit is net nou baie nader aan jou persoon.

Nou, velkleur ten spyt is basiese menslike behoeftes oral dieselfde. Mense wil kos hê om te eet, beskerming teen die elemente ens. In ‘n moderne samelewing beteken dit dat jy moet werk hê. En om te kan werk bekom tussen miljoene ander net soos jy moet jy opleiding hê. En daarin dink ek lê ons as Afrikane se grootste probleem opgesluit.

My redenasie is soos volg. Menslike natuur dikteer dat jy jouself by mense sal skaar wat soos jy is. In ‘n verkiesing sal wittes vir “wit” partye stem ensovoorts. Absoluut niks met rassisme uit te waai nie. Verder sal mense oorwegend binne hulle volksverband bly, Zoeloes sal vir Zoeloes stem ens. Steeds geen probleem nie. Synde dat die Zoeloe nasies by verre die grootste bevolkingsgroep in Suid Afrika is, hoe het dit dan gekom dat Suid Afrika deur Xhosa’s regeer word. Die antwoord is maklik. Intimidasie, breinspoeling en opsweping. Manne soos DGS sal jou alles daaroor kan vertel, van hoe 10 manne met AK’s oornag ‘n skare van 10 000 bymekaar kan maak wat bereid is om te brand, plunder en klip te gooi. In Afrika (en ander 3de wêreld plekke) is dit die gekose metode van oorreding. Dit is die rede hoekom die selfde swartman saam met wie jy opgegroei het, die een kan wees wat toekyk hoe jy gemartel word. Plaas jouself in hulle skoene, wie gaan jy voor luister – die ou wat jou dalk so paar dwarsklappe gee of die ou wat jou en jou gesin sal uitwis as jy nie maak soos hulle sê nie. Intimidasie werk vandag nog net so goed soos altyd. Die enigste manier om ooit daarby verby te kom is opvoeding op ‘n massiewe skaal. Slegs sodra genoeg mense opgevoed en dus sinvol werksaam is, sal ‘n mens kan begin om die effek van intimidasie teen te werk. In Suid Afrika kan ons dit dalk binne die bestek van een of 2 generasies regkry.

Maar. Opvoeding op so ‘n skaal kan slegs van die hoogste vlak gedryf word. Die regering. Die koste daarvan vir die regering is dat hulle die houvas op die mense kan verloor, dus hulle gemaklike goewerment joppies kan verloor. Opgevoede geleerde menses al nie al die nonsense wat vir hulle opgedis word vir soetkoekies opvreet nie.

Dink jy nou nog steeds dat onderwys en opvoeding werklik in die regering se beste belang is? Die skaal kan enige kant toe val, en die enigste manier om te verseker dat dit na die regte kant toe gaan is deur ekonomiese druk. En die ekonomiese mag word uit investeerders se hande geneem teen ‘n radikale tempo deur die invloed van SEB, regstellende aksie ensovoorts.

So in opsomming. As die regering besluit dat massiewe en volhoubare opvoeding nie in hulle beste belang langtermyn is nie, kan ek en jy maar ons goedjies pak en loop. Wat en of ons iets kan doen om die situasie te verbeter, daarvan is ek nie seker nie.

Jaco