Oktobermaand

“Dit is die maand Oktober! Die mooiste, mooiste maand!
Dan is die dag so helder, so groen is elke aand,
so blou en sonder wolke die hemel heerlik bo,
so blomtuin vol van kleure die asvaal ou Karoo,
so blomtuin vol van kleure die asvaal ou Karoo.”
C. LOUIS LEIPOLDT

Na ‘n afwesigheid van amper ‘n maand en ‘n amperse blog delete weet ek nog steeds nie of ek lus is vir die besigheid nie. Ek is nog glad nie op ‘n lekker plek nie. Maar ‘n belofte is ‘n belofte so hierdie is ons offisiele comeback inskrywing. Voortaan is dit besigheid soos gewoonlik, behalwe vir ‘n paar subtiele klemverskuiwings. Maar meeste “casual” lesers sal nie eers die verskil agterkom nie

Nou dat dit uit die pad is . . . Jip! Dit is weer sulke tyd. Dit is Oktobermaand, die mooiste mooiste maand.

• Somer kom na die suidpunt van Afrika
• Verjaardagmaand vir beide Wosonki’s. Kontant, kredietkaarte en tjeks welkom
• Eksamen maand vir Lyfie – die een is vir graad, 3 Vakke en jy is klaar. GO Lyfie! GO Lyfie! GO Lyfie! GO GO GO! (Stel jou nou voor ek maak sulke roer die pappot bewegings met my pikante lyfie terwyl ek dit dreunsing!)
• Opgradeer maand vir ons selfone, en nie ‘n oomblik te vroeg nie. Ek kyk daai P1 nou al lank . . .
• Dit is die maand waarin ons verloof geraak het
• Ons kar is uiteindlik klaar betaal aan die einde van die maand

Jaco en Krista